Wolfgang Czeller, burger ze Wienn, hat versaczt sein hawss mit aller seiner zügehornung, gelegen in der Kernerstrass zwischen Hannsen Eysenkeckh des goltsmids und Veyten Mair des schuster hawsern. Junckfrawen Agnesen, seiner swester, die noch nicht vogtper ist, umb zwayhundert pfunt Wienner pfennig, die ir von irs vaterlichen erbtails von maister Hannsen Dzeller lerer in der ertzney irem vater seligen zúgepüren und von irer muter Mergreten nach lautt deselben irs vater seligen geschèfft darauf geordent sein und sind zubetzalen wann die obgenant junckfraw Agnes vogtper wirdet anverziehen. Actum an Freytag vor Palmarum anno etc. lxiiio.

Summa xiii s. x d.