Ulreich Nörtzl, der kursner, hat versaczt sein haws, gelegen in der Schawflukchen pey Sand Michel zenagst Conrats Phuntimaschen haws.Umb hundert pfund pfening der schwartzen münss, der erbern Margreten, Gebharts Vogberger des kürsner seligen witiben, Pernharten und Mathesen, geprudern den Vogbergern, irn sünen, und Barbaren, Hannsen Steyrer hausfraun, irer tochter, die sy mit dem egenant Gebharten gahabt hat, und desselben Gebharten erben, die der egenant Margrethen von dem benanten Gebharten morgengab sind, und sind zu beczalen wenn sy die vordert und nicht lenger peiten wellent darnach ynner dem nagsten moneid anvercziehen und sullen in auch alle jar davon raihen und geben zehen pfund pfening zu den drein tegen im jar zu weichnachten zu sand Jorgen tag und sand Michels tag zu yedem tag drew pfund und achczig pfening nach lautt ains briefs den die vorgenant Margreth Vobergerinn darub hat. Actum an Mittichen nach sand Michels tag, anno domini etc. lvito.

Summa vi s. xx d.