Veit Schattawer hat versatzt sein hauss, gelegen pey Sand Peters freithof zenagst Hannsen des Velber haus. Der erbern fraun Kathrein, Jacoben des Schatawer seligen witiben, seiner mumen, in solicher maynung das er ir ir lebtteg von dem egenanten hauss sol raihen und geben siben phund pfening halb an sand Jorgen tag und halb an sand Michels tag und wan sy mit tod abgeet, so sol er oder sein erben der egenanten fraun Kathrein geschefftleuten nach irm abgang ynner der nagsten jarsfrist ausrichten und beczalen hundert und sechs pfund pfenig die dann ausgegeben sullen werden dahin sy die bey irn lebttegen geschafft hat oder schaffen wirdet anvercziehen. Actum an Montag nach sand Margreten tag, anno etc. xliiio.

Summa vii s. ii d.