Ulreich Metzleindorffer hat versaczt die uberteurung seins hawss, in der Vodern Pekchenstrazz zenagst Reinharts des Hansgrafn haws, uber die hundert phunt pfenig, davon man ièrlich dint acht phunt pfening so der Bürgerspital nach laut ains briefs vor darauf verschribn sein. Der erbern frawn Margreten, Veiten Kolmans des smids zu Entzesdorf an der Vischa hausfrawn, die emaln Kristan Smid vom Durrenholtz auch elichen gehabt hat, an stat und zu handen irer kinder Wentzlaben und Magdalen, die noch nicht gevogt sein, die si bey dem benanten Kristan Smid hat gehabt, umb lxvi tl. v s. x d., die emaln auf Jacbos von Velach haus sind gelegen gewesen, und sind zu betzaln von dem nagstkunftigen sant Michels tag uber zwai gantze jar und sol in auch dieselben zwai jar jerlich davon raihen und diennen vi tl. v s. x d. zu den zwain tegen im jar an sant Jorgen tag und an sant Michesl tag. Doch also daz die egenant fraw Margret die benanten dinst jerlich sol innemen nutzen und niessen und die vorgenant ire kinder erberlich davon gewenten ziehen und verwesen nach irn notdurften uncz daz si zu irn vogtbern jarn komend, dennn so sol si in der egenanten sum phenig haubtguts und dinstz abtreten und furbas an irrung vessen lassen. Beschech aber daz dieselben ire zwai kinder ungevogt abgingen, so sol denn die egenant sum phenimg haubtguts halbe gevallen auf die egenant Margreten ir mutter lediklich und halbe auf derselben zwair kinder nagst erben nach laut und innhaltung des spruchbriefs so vor zeiten von des geltz wegen ausgegangen ist, ut littera sonat. Actum an Freytag vor sant Michels tag, anno etc. xlmo.

Summa ½ tl. xii d.

Daz gelt ist wider gelegt worden auf Wolfgangen Hasler haus am Newnmarkt.