Niclas Knawss burger zu Wienn hat versaczt sein hawss mit aller seiner zugehorung gelegen im Vischof zenagst dem anderm seinem zuhaws. Dem erbern priestern herrn Hannsen Hofmullner, chormaister und maister Erharten von Pechlorn baccalaureus der heiligen geschrifft richter zu Sand Stephan¹ oder wem sy das nach irem abgangkh bevelhen, schaffen oder ubergeben, sibenhundert Ungrisch guldein gerecht in gold und wag. Und sind zu bezalen jérlich funfftzig Ungrisch guldein solanger untz das dieselben vii c guldein ganntz bezalt sein. Und sullen mit der erssten beczalung anheben zu sand Jorgen tag nagstkunfftigen an alles verziehen getrewlich und ungeverlich. Actum an Freitag nach sant Jorgen tag, anno etc. lxxmo, ut littera sonat.

Summa vi tl. d.