Niclas Ledrer hat versaczt sein haws gelegen in der Vordern Pekchenstrass zenagst Thomans Gweltleins des fleischakcher haus, davon man jerlichen dint hern Andren Benedicter, caplan der messe die weilent der Kurczman auf sant Kathrein altar zu Sant Steffan gestifft hat, siben pfund pfenning zu purkrecht nach lautt ains purkrechtbriefs und nicht mer. Der erbern fraun Annen Thomans Drúmleins witiben seiner swester und irn erben um newnczig pfundt pfenning und sind zubeczalen wan sy die vordernt und nicht lenger petten wellent an alles vercziehen. Actum an Freitag vor sand Kathreintag, anno etc. lvto.

Summa vi s. d.