Niclas Ponhalm, burger zu Wien, und Helena, sein hausfraw, habent versaczt die uberteurung irer zwair heuser, ains gelegen undern Satlern zenagst Andres Hofmaister des Sc kursner haus und stost mit dem hindern tail an den Kamer Hof, und daz ander ist gelegen in der Kernerstrass zenagst des abts von Sant Mareinzell haus, uber die aindlefhundert phunt und funfunddreissig phunt pfening, dafur es Thomann Wisent hubmaister in Österreich und seinen erben vormaln versaczt ist. Dem edeln vesten ritter hern Hannsen Neydegker, phleger zu Steir, und seinen erben, umb tausent guldein in gold oder aber fúr einen yeden guldein sechs schilling Wienner pfening. Und sind zu beczaln auf sant Lucein tag nagst kunftig anvercziehen. Actum feria secunda post Nativitatis Marie, anno etc. xlo.

Summa i tl. d.

Habet cedulam.