Michel Prawsnperger der riemer hat verchaufft sechs pfund pfenning gelts purkrechts¹ auf der ubertewrung seins hauss gelegen in der Reinergassen zenagst Meinharts Reiner haws und an dem andern zenagst Symons Vinkchen haws und stosset mit dem hindern tail an maister Mertten Guldein haws, das ettwan Hannsen des Wintter hewesen ist. Uber die funfczig pfunt pfenning, darumb es inen erere hausfrau Anna Herman dem Heslein versaczt hat nach lautt ains briefs und als auch das der stat gruntpuch innhelt und uber die hundert und dreissig pfund pfenning, die er seiner hausfraun Margreten Erharts Newnbucher des glokengiesser tochter, nach lautt ains briefs nachmalen darauf verphent hat, umb sechczig pfund pfenning dem erbern priester herrn Jacoben Veleis dieczeit caplan der messe, die frau Dorothe Niclasen vom Tanwald witib dacz Sant Steffan zu Wienn gestifft hat und seinen nachkomen caplen derselben messe und sind die obgenant vi tl. d. gelts purkrechts zu dienn zu drein tégen und wider abczukauffen miteinander und den negsten dinst damit ut littera sonat. Actum an Montag vor sand Niclas tag anno etc. liiio.

Summa ½ tl. d.