Michel von Menestorf hat verchaufft funf phund pfenning gelts purkrechts auf seinem haus, genant das Reinhaus am Hohenmarkt im Vischhof gelegen zenagst Hainreichs Niderhofer haus an ainn tail. Dem erbern weisen Cristan Preiner dieczeit spitalmaister der purgerspital und seinen nachkomen spitalmaistern umb hundert und fünf pfunt pfenning. Und ist das vorgnant purkrecht zu dienn halbs an sand Michels tag und halbs an sand Jorgen tag und wider abczukauffen miteinander und den nagsten dinst damit, der dann davon zu dienn gevellet ut littera sonat. Actum an Phincztag vor sand Philip und sand Jacobs tag anno domini etc. lio.

Summa nulla ..

das purkrecht ist umligencheits werden

Nota das vorgenant purkrecht ist gelegt auf Hannsen des Heuerl haus in der Reinergasse an sand Lamprechts tag lvto.