Hanns Schalawczer, burger zu Wienn hat seiner hausfraun Barbaren, Andres Hiltprants von Meran seligen tochter gemacht und verschriben auf seim haws, gelegen pei der purkch am egk zenagst Jorgen Prew des sneider haws, drewhundert pfunt pfening, zu rechter widerlegung nach der statrechten. Also ist, das si kinder miteinander gewinnen, darauf sullen dann erst nach ir pruder tod die benanten drenhundert pfunt pfening lediclich erben. Wér aber, das er mit tod abging ee denn die vorgnant Barbara sein hausfrau und das er ir nicht kinder liesse oder ob er ir kinder liesse und das die auch abgingen ee denn dieselb Barbara sein hausfrau, dennoch sol si die benanten drenhundert pfunt phening widerlegung auf dem háws ir lebteg innhaben, núczen und niessen unverkumert. Und nach irm abgang sullen dieselben phening herwider erben und gevallen auf sein nagst erben, darauf sy dann zurecht erben und gevallen sullen. Ging aber dieselb Barbara ab mit tod ee denn er und das si im nicht kinder liesse oder ob sy im kinder liesse und das die auch abgingen ee denn er, so sind im dann dieselben drenhundert phunt phening auf dem egnanten haws wider ledig, ut littera sonat. Actum an Samstag vor Letare, anno etc. liido.

Summa ii tl. iiii s. d.