Hainreich Niderhofer und Barbara sein hausfrau habent versaczt ir grössers vorders haus, gelegen im Vischhof und stösst auch herfur mit den kremen an den Hohenmarkcht zenagst des Vannawer haus, da man von demselben irm grossen haus und von dem klain írm haus das auch hinden daran und im Vischhof gelegen ist alle jar dint und ausrichtten sol in der purgerspital vir mal zu den vir quatemern im jar zu yedem quatemer ain mal die abczulosen sind mit dreinhundert pfeninng nach lautt ains briefs den das spital darumb hat. Dem edln vesten ritter, hern Hannsen dem Wurffl, und seinen erben umb dritthalbhundert pfund pfening und sind zu beczalen alle jar an sand Jorgen tag
funfczig pfund pfening, so lang uncz das sy der egnanten dritthalb hundert phund phening gancz beczalt werden und sullen mit der ersten zalung anheben von dem nagstkunfftigen sand Jorgen tag uber ain ganczes jar anvercziehen, ut littera sonat. Actum an Mitichen nach Invocavit in der vasten, anno etc. xlvito.
Summa ii tl. xx d.