Hainreich Haiden, burger ze Wienn, hat versaczt sein haus mit seiner zugehorung, gelegen gegen dem Rathaus uber zenagst unser frawen pfarrhof an ainem tail und an dem andern zenagst Petern Waiczen haus. Dem erbern Francisco de Monte, an stat und in namen der edeln Johannes Mauroceno und Mathens seins suns Lucas und Andree Vendramino, Azius und Anthonius von Priolis Petrus Superancio und seiner brüder Jacobus Dandulo Laurencius von Molino und geschéffther Petri von Molino Bernardus von Molino Petrus Carolus und Marinus Pisani und irer bruder Carolus und Paulus Marino Carolus Marino und seiner pruder Paulus Cornario und sein pruder und der erbern weisen Dominicus de Fornariis Nicolae Olivoto Johannes Salvader und Johannes de Zörzi, burger und kaufleut ze Venedii, der egenant aller der egenant Franciscus ganczen gewalt hat, und irn erben nach solher berdnüss so dann die erbern weisen Symon Pötl, Ulrich Kérner, baid des rats der stat ze wienn, und Cristan Wissinger, purger daselbs, zwischen sein ains tails und des benanten Franciscen an stat der vorgenanten burger und kaufleut ze Venedii des andern beredt und getan habent nach der brief lautt die wir baid tail aneinander geben habent für aindlefhundert ducaten guldein gerecht in gold und wag und sind zu beczalen und zu dem Pötl nider zelegen halb auf die Weinachten nagst künftig und halb auf die Ostern darnach nagst komend an alles vercziehen, ut littera sonat. Actum an dem heiligen Aschtag, anno etc. xlio.

Summa vii ½ tl. d.