Gedrawt, Dietreichs Holfues hausfraw, die vormalen Jacoben Olmansperg seligen auch elichen gehabt hat, versaczt die ubertewrung irs halben hawss, gannczes gelegen am Harmarkt zenagst weilent Jorgen von Nicolspurg seligen haws. Über die xxiiii phunt phening, darumb er vormalen maister Hannsen von Misstelbach, capplan der mess, die Jacob von Mergersstorff auf dem newn karner zu Sannd Stephann gestifft hat, und seinen nachkomen capplen derselben mess. Und uber die lxxvi phunt Phenig und vi s. d., die heren Micheln Wulffing, capplan der mess, die weilent Hansn der Musstrer auf Sand Symons und Sand Judas altar daselbs zu Sand Stephan gestifft hat, und sein nachkomen cappllein derselben mess vormalen darauf verschriben sind. Dem erbern priester, heren Mathesen Holczleitter, diezeit pharrer zu Everding und seinen erben umb lxii tl. d. und sind zu beczalen von datum des sacs inner der nagsten jarsfrist an alles verziehen. Actum an Mitichen nach sand Colmanns tag, anno domini etc. lxviiiino.

Summa iiii s. d.

Pharer habet cedulam.

Nota umb die gruntzedeln, so noch unverserte vorhanden ist, hat der egenant her Mathes Holczleitter ain tötbrief zum puch geben. Actum an Montag vor Goczauffartag 89.