Franz Herrenprot der verber und Anna sein hausfrau haben verchaufft ain pfunt gelts púrkrechts auf irm haws und dem gevirten stokch daran, so sy von Hannsen Stieber, saittenmacher, gechaufft haben, gelegen ynnerhalb Werdertor auf der Goltsmid, zenagst desselben Stieber haws an aim tail. Davon man jerlich dint hincz den Weissenbrudern zu Wienn zu des Hochholts jartag zway pfunt pfening zu purkrecht, die mit sechczehen pfunt pfeningen abczulosen sind nach lautt ains purkrechtbriefs und nicht mer. Umb funczehen pfunt pfening dem erbern hern Linharten, caplan der mess auf Allerheiligen altar, in Sant Johanns cappellen im Wird gelegen, Micheln des Pawmgartner stifftung, und seinen nachkomen capleinen derselben mess zu beleichtung und um liecht, damit derselb altar sol beleicht werden. Und ist zu dienn zu drein tegen und wider abczukauffen miteinandern und den nagsten dinst damit, ut literra. Actum an Mitichen sand Juliana tag, anno etc. lvii.

Summa xxx d.

Nota die obgenanten sechzehen pfundt phening, davon man jerlich zu den Weissenbrudern dint hat ain pfundt phenig, ist von denselben Brüdern durch Elspethen Hannsen Spemans gelassen witib abgelost worden, lawtt quittung und ausstanndt zum buch erlegt. Actum feria secunda post Inventionis Crucis anno lx novo.