Caspar Zeitl und Barbara sein hausfraw habend versaczt ir haws, gelegen beym Rotenturn im egkh, zusambt dem zuhaws daran, gegen weilent Casparn Ringsswekhl seligen haws uber. Dem erbern Wolfgangen Orter, mitburger zu Wienn und sein erben umb hundert phunt Wienner phening landeswerung in Österreich, in solher maynung, das nach seinem abgangkh dieselben sum phening erben und gevallen sullen auf seine kinder, die er bey Affren seiner hausfrawen elichen gehabt hat. Gingen aber dieselben kinder nach im auch ungevogt ab oder, ob sy vogtper wurden und dieselben hundert phunt phening unverschafft, vermmacht und unverjumert hinder in liessen, so sullen sy erben und gevallen auf derselben kanlewt baider nagst erbn, darauf sy zu recht erben und gevallen sullen. Wer aber, das die bemelten kinder vor dem obgenanten Wolfgangen Ortter irm vater mit tod abgiengen, so sol er dann die vorgenanten hundert phunt phening gleich halb lediclich haben und den andern halben tail desselben gelts sol er darczu sein lebtég unverkumert innhaben, nuczen und nyessen, als leibgedings und der stat zu Wienn recht ist. Und nach seinem abgang sol dann derselb halb tail gelts erben und gevallen auf der obgenanten Affren seiner hausfrawen nagst erben, darauf er zu recht erben und gevalln sol. Und sind zu beczalen von dem nagstkunfftigen sand Peters tag and Kathedram, uber ain ganntz jares Nagstkunfftigen an alles verziehen ungeverlich. Actum an Montag vor sand Peters tag ad Kathedram, anno domini etc. lxxmo.

Summa vi s xx d.