Chuncz Vasczieher in der Wiltberherstrass und Anna, sein hausfraw, habent verkaufft vir pfunt pfenig geltz purkrechtz auf irn haus, gelegen in der Wiltberherstrass zu Wienn zenagst Yeronym Moser des arczt haus. Umb xxxii tl. d. dem ersamen herren, hern Michln von Aschpach, pfarrer zu Sant Peter in der Aw, dizeit kapplan der mess die Hannsen von Ybs auf der Zwelfpoten altar dacz Sant Steffan gestift hat, und seinen nachkomen und sind zu dienn zu drein tegen und wider abzekauffen miteinander und den negsten dinst damit, ut littera sonat. Actum an Montag vor dem heiligen Aufferttag, anno etc. xliido.

Summa xliii d.